Wednesday, 4 January 2017

ہمارا وطن,چھٹی جماعت، FGS

ہمارا وطن:

سوال نمبر1:مختصر جواب دیں۔

‌أ) اس نظم میں ٹیپ کا مصرع کون سا ہے؟

جواب: نظم میں بند کا آخری مصرع جو ہر بند کے آخر میں دہرایا جاتا ہے۔ٹیپ کا مصرع کہلاتا ہے۔ نظم'ہمارا وطن' میں ٹیپ کا مصرع ہے۔"پیرا پیرا وطن ہے ہمارا وطن"۔

‌ب)وطن کے جیالے بہادر جوان کس کے اشارے پر جان لٹا دیتے ہیں؟

جواب: وطن کے جیالے نوجوان وطن کے ایک اشارے پر اپنی جاں لٹانے کو تیار رہتے ہیں۔

‌ج) شاعر نے کس کو رشکِ فردوس کہا ہے؟

جواب:شاعر نے وطن کو 'رشکِ فردوس' کہا ہے۔

‌د) وطن کی کھیتیاں کیا اگلتی ہیں؟

جواب: وطن کی کھیتیاں سونے جیسی فصلیں اگاتی ہیں۔مثال:گندم،مکئی، باجرہ،چاول،دالیں،سبزیاںاورپھل (تازہ اورخشک) ۔

‌ه) وطن کی ندیاں کیا لٹاتی ہیں؟

جواب: وطن کی ندیاں چاندی جیسا پانی لٹاتی ہیں۔جو سونے جیسی فصلیں پیدا کرتا ہے۔

سوال نمبر 3:درج ذیل الفاظ کے مترادف لکھیں۔آرزو، سہارا، چمن، بَن، بہادر۔

آرزو

تمنا/خواہش

سہارا

آسرا

چمن

باغ

بن

ویرانہ

بہادر

دلیر/نڈر

سوال 5: قافیہ کسے کہتے ہیں؟

جواب: ہم آواز الفاظ جو شعر کے آخر میں استعمال ہوں۔مثال:سہارا،ہمارا،پکارا، تمھارا، دُلارا، سنوارا ؤغیرہ۔

سوال 6:شاعر نے اس نظم 'ہمارا وطن'میں وطن کے جیالے اور جوانوں کے لیے کیا خوبیاں بیان کی ہیں۔

جواب: حسیں انجمن کے حسیں نوجواں، ملک و ملت کے سینے کا ارماں اور وطن کے نگہباں۔

سوال 8: واحد کے جمع اور جمع کے واحد لکھیں۔کھیتیاں، ندیاں ، وادیاں، تارا، اشارا، ملت۔

کھیت	کھیتیاں	ندی	ندیاں	وادی	وادیاں	تارا	تارے	اشارا	اشارے
ملت	مِلَلْ

سوال نمبر9:نظم ہمارا وطن کا مرکزی خیال تحریر کریں۔

ہمارا وطن جنت سے زیادہ حسین ہے۔یہ ہامری امنگوں اور آرزوؤں کا سہارا ہے۔اس کی ندیاں چاندی اور کھیت سونا اگاتے ہیں۔ہم اپنے ملک پر اپنا تن،من،دھن قربان کرنے کو تیار رہتے ہیں۔

سوال نمبر10: اس نظم کے دوسر بند میں 'سونا اگاتی ہوئی کھیتیاں' سے کیا مراد ہے؟

جواب: اس سے مراد سونے سے بھی قیمتی فصلیں ہیں۔کیوں کہ ان فصلوں سے اناج حاصل ہوتا ہے ۔جو پورے ملک کی خواراک کی ٖضروریات پوری کرتا ہے۔

صحت اور صفائی،چھٹی جماعت۔FGS

صحت اور صفائی:

مختصر جواب دیں۔

‌أ) مکالمہ صحت اور صفائی میں کون کون سے کردار شامل ہیں؟

جواب: سبق"صحت اور صفائی"میں ٹیچر اور طلبہ کے درمیان مکالمہ ہے۔طلبہ میں حمیرا،سمیرا،خدیجہ،یٰسین،فاطمہ،عاکم ،مریم، سحاب،اقبال، اختر، رانی، آمنہ، ہاجرہ ساور سعدیہ شامل ہیں۔

‌ب)مس سعدیہ کے سکول میں کیا منانے کا فیصلہ ہوا؟

جواب: مس سعدیہ کے سکول میں 'ہفتہ صفائی' منانے کا فیصلہ ہوا؟

‌ج) صحت مند دماغ کے لیے کون سی چیز ضروری ہے؟

جواب: صحت مند دماغ کے لیے صحت مند جسم ضروری ہے۔

‌د) ہم کیسے صحت مند رہ سکتے ہیں؟

جواب:جسم اور لباس کو صاف رکھنے سے ہم صحت مند رہ سکتے ہیں۔روازانہ غسل، صبح کی سیر،سادہ اور متوازن غذا ہمیں صحت مند رکھتی ہے۔

‌ه) صحت مند جسم کے لیے کیسی خوراک ضروری ہے؟

جواب: صحت مند جسم کے لیے متوازن غذا کی ضرورت ہوتی ہے۔

‌و) متوازن غذا سے کیا مراد ہے؟

جواب:ایسی غذا جس میں حیاتین(تمام اہم غذائی اجزا) شامل ہوں۔کھانا نہ زیادہ پکا ہو ،نہ ہی کچا ہو۔

‌ز) دانت صاف کرنے کا مسنون طریقہ کیا ہے؟

جواب: مسواک سے دانے صاف کرنا سنت کے مطابق ہے۔

سوال:آنکھوں،کانوں، دانتوں، منھ ناک اور ہاتھ پاؤں کو صاف رکھنے کا بہترین طریقہ بتائیں۔

جواب: وضو کرنے سے تمام اعضا صاف رہ سکتے ہیں۔اور سب سے آسان اور سادہ طریقہ بھی ہے۔

سوال نمبر 2:درج ذیل الفاظ کو جملوں میں اس طرح استعمال کریں کہ مفہوم واضح ہو جائے۔

جواب:آگاہ، بھلائی، فضا، کراہت، ذمہ دار۔

آگاہ	جاننا/سمجھنا	کوئی انسان اپنی موت سے آگاہ نہیں ہے۔
بھلائی	اچھے کام/نیکی	بھائی کے کاموں سے عام آدمی کو فائدہ ہوتا ہے۔
فضا	ہوا/ماحول	میرے سامنے دور تک پھول کھلے تھے اور فضا خوب صورت تھی۔
کراہت	نفرت/برا سمجھنا	بد بو سے ہر شخص کراہت کرتا ہے۔
ذمہ دار	جواب دہ	ہر شخص اپنے اعمال کا ذمہ دار ہے۔

سوال 3:درج ذیل کے متضاد لکھیں۔متوازن، بہترین، صحت، خطر ناک، میلے کچیلے۔

جواب:

متوازن

غیر متوازن

بہترین

بد ترین

صحت

بیماری

خطرناک

خوش کن

میلے کچیلے

صاف ستھرے

سوال نمبر9: آپ اپنے الفاظ میں "صحت اور صفائی" کے موضوع پر ایک پیراگراف لکھیں۔

صحت اور صفائی:

اہم نکات:

1) صحت سے کیا مراد ہے؟

2) صفائی سے کیا مراد ہے؟

3) اپنے گھر،گلی، محلہ،سکول کی صفائی کا خیال رکھنا۔

4) اپنے قصبہ،گاؤں،شہر اور ملک کی صفائی کا خیال رکھنا ۔

5) صفائی ،صحت کی ضامن ہے۔

6) کوڑا کرکٹ،گندگی کو ٹھکانے لگانا۔

7) صفائی ایمان کی شرط ہے۔(الحدیث)

8) تازہ سبزیاں،پھل اور گوشت کا استعمال۔

9) اسلام کے سنری اصلوں دانتوں کی صفائی اور نماز کے لیے وضو کرنا صفائی کا بہترین ذریعہ۔

10) ماحول صاف ،معاشرہ صحت من۔

متشابہ الفاظ:

ایسے الفاظ جن کی ظاہری شکل و صورت میں کوئی مشابہت ہو مگر اعراب اور معانی میں مختلف ہوں۔متشابہ الفاظ کہلاتے ہیں۔متشابہ الفاظ درج ذیل ہو سکتے ہیں(درج ذیل صورتیں ہیں)۔

1. ایسے الفاظ جن کا املا (لکھے) ایک جیسا ہو مگر اعراب میں فرق ہو۔جیسے:کَل، کُل۔۔دِیر،دَیر۔۔گِک۔گُل۔۔بَل،بِل۔

2. ایسے الفاظ جن کی آواز ایک جیسی ہو مگر ان کے املا میں فرق ہو۔جیسے:ہامی،حامی۔۔تاک،طاق۔۔ روزہ،روضہ۔۔

عام،آم۔۔ ہال،حال۔

Saturday, 17 December 2016

تفہیم،اولیول،3248۔Comprehension O'Level 2nd Language 3248

ایک کہانی بڑی پرانی

نا انصافی

پرانے زمانے کی بات ہے۔ایک گاؤں کا نام روپ نگر تھا - روپ نگر گاؤں کے لوگ نہایت خوش حال اور مطمئن تھے- انہیں کوئی غم، فکر یا پریشانی نہیں تھی - بڑے ہی چین سے زندگی بسر کرتے تھے مگر ان میں ایک خامی تھی کہ وہ توہم پرست تھے -

ایک دفعہ اس گاؤں میں کہیں سے ایک' الو 'اڑ کر آ گیااور ایک درخت پر رہنے لگا- وہ ہر روز رات کے وقت بولتا تھا- اس کے بولنے سےگاؤں کے لوگ بہت پریشان ہوئے - ان کے خیال میں 'الو' کا بولنا یا اس کا آبادی میں رہنا ٹھیک نہیں تھا- وہ سمجھتے تھے کہ جس بستی میں 'الو 'بولتا ہے وہ برباد ہو جاتی ہے- کئی دن یونہی گزر گئے- 'الو'رات کوبولتا اوربستی کےلوگ ڈرتےرہتے۔آپس میں یہی کہتے کہ اب یہ گاؤں تباہ ہو جاے گا کیوں کہ یہاں 'الو 'بولتا ہے-

'الو 'تمام دن اپنے خلاف لوگوں کی باتیں سنتا ، ان کی حماقتیں اور نا انصافیاں دیکھتا مگر خاموش رہتا۔ ایک دن اس نے سوچا کہ کیوں نہ میں نحوست کا یہ الزام دھو دوں اور ان لوگوں کو حقیقت بتاؤں۔ چنا نچہ ایک روز اس نے خاص درخت چھوڑا جس پر وہ بیٹھتا تھا اور اس مکان میں رہنے لگا جس میں ایک شخص اکیلا رہتا تھا- رات کو جب 'الو 'بولتا تو گھر کا مالک کسی نہ کسی طرح اس کو اڑا دیتا - جب وہ اڑ جاتا تو سو جا تا - جو نہی وہ سوتا 'الو 'آکر اس کے سر میں چو نچیں مارنے لگتا اور کہتاکہ یہ میرا گھر ہے تم اسے چھوڑ دو ۔

جب اس واقعے کو کئی دن گزر گئےاور'الو'گھرسےنہ گیاتواس آدمی نےیہ بات اپنےدوستوں کوبتائی ۔یہ لوگ اس آدمی کےساتھ گاؤں کےسرکردہ لوگوں کے

پا س گئےاوراس نےروروکر'الو'کی زیادتی اوراپنی بےبسی کاقصہ سنا یا - گھر کے مالک نے اپنا زخمی سر بھی دکھایا اور ان سے انصاف طلب کیا-

اگلے دن گاؤں کے معزز لوگ گاؤں کے چو پال میں جمع ہو ے۔'الو 'اور اس آدمی کو بلایا گیا ۔گاؤں کے دوسرے لوگ بھی فیصلہ سننے کے لے چلے آئے۔ گھر کے مالک سے اس کی دکھ بھری داستان سنی گئی- پھر' الو 'سے پوچھا گیا کہ یہ کیا قصہ ہے؟ 'الو 'نے نہایت یقین اور ا عتما د سے کہا" مکان میرا ہے اور میرا ہی رہے گا۔ میں اس میں رہتا ہوں۔ یہ شخص ناحق شور مچا تا ہے۔" الو نے یہ د عویٰ اتنے ا عتما د سے کیا کہ گاؤں کے معزز لوگ کچھ نہ بول سکے اور انھوں نے 'الو' کے حق میں فیصلہ سناتے ہو ے کہا" الو سچا ہے۔ مکان اس کا ہے۔" انھوں نے مالک سے کہا " خو ا ہ مخو اہ جھوٹ مت بولو اور کسی کی چیز پر قبضہ مت جماؤ۔جاو کہیں اور رہنے کا بندوبست کرو" ۔'الو 'خوش خوش ایک طرف کو چلا گیا اور مالک مکان بے چارہ روتا ہوا ایک طرف کو چل دیا ۔دوسرے لوگ بھی اپنے اپنے گھر جانے کے لیے منتشر ہو نے لگے-

کچھ دور جا کر الو واپس آیا ۔اس شخص کو بلا یا جو روتا ہوا جا رہا تھا اور باقی لوگوں کو بھی بیٹھنے کو کہا۔ تمام لوگ حیران تھے کہ 'الو 'کیوں واپس آیا ہے۔اس سوچ بچار میں ایک دوسرے کو دیکھ رہے تھے کہ' الو 'ان سے مخا طب ہوا۔ " اے روپ نگر کے رہنے و ا لو ! جب سے میں تمھاری بستی میں آیا ہوں مسلسل یہی سن رہا ہوں کہ 'الو' منحوس ہے۔ اس کے بولنے سے بستی اجڑ جائے گی مگر یہ خیال غلط ہے۔ میرے بولنے سے یہ بستی نہیں اجڑے گی - اس کو تمھاری نا انصافی برباد کر دے گی ۔ خو د سوچو! کبھی الو کا بھی مکان ہوا ہے؟ نہیں ہر گز نہیں ۔مکان انسانوں کے ہی ہوا کرتے ہیں ۔یہ تمھارا کیسا انصاف ہے کہ میری باتوں سے مرعوب ہو کر تم نے میرے حق میں فیصلہ دے دیا جو سراسر غلط اور نا جائز ہے"۔پھر مکان کے مالک کو مخاطب کیا :" بھائی! گھر تمھارا ہی ہے، تمھیں مبارک ہو ۔میں تو بستی والوں کو صرف یہ بتانا چا ہتا تھاکہ انھوں نے مجھ پر جو الزام دھرا تھا کہ 'الو 'منحوس جانور ہے۔یہ جس آبادی میں آکر بولتا ہے یا رہتا ہے وہ تباہ ہو جاتی ہے۔بالکل غلط ہے۔کوئی کسی کو تباہ نہیں کرتا مگر نا انصافی اور ظلم بستیاں اجاڑ دیتے ہیں ۔"

· درج ذیل سوالات کے مختصر جوابات دیں۔

1) روپ نگر کے لوگ کس مرض میں مبتلا تھے؟

جواب:۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2) الو کے بارے میں لوگوں کا کیا خیال تھا؟

جواب:۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

3) الو نے اپنی اہمیت کا اظہار کس طرح کیا؟

جواب: ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

4) پنچائیت نے الو کے حق میں فیصلہ کیوں دیا؟

جواب:۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

5) الو نے تباہی کی کیا وجہ بتائی؟

جواب:۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

6) اس عبارت کا خلاصہ لکھیں۔

جواب:۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

طوطا ، طوطی اور الو کی کہانی

کہتے ہیں کہ ایک طوطا طوطی کا گزر ایک ویرانے سے ہوا ، ویرانی دیکھ کرطوطی نے طوطے سے پوچھا"کس قدر ویران گاؤں ہے"؟ “طوطے نے کہا لگتا ہے یہاں کسی الو کا گزر ہوا ہے۔"جس وقت طوطا طوطی باتیں کر رہے تھے ، عین اس وقت ایک الّو بھی وہاں سے گزر رہا تھا ،اس نے طوطے کی بات سنی اور وہاں رک کر ان سے مخاطب ہوکر بولا، تم لوگ اس گاؤں میں مسافر لگتے ہو، آج رات تم لوگ میرے مہمان بن جاؤ،میرے ساتھ کھانا کھاؤ،اُلو کی محبت بھری دعوت سے طوطے کا جوڑا انکار نہ کرسکا اور انھوں نے اُلو کی دعوت قبول کرلی،کھانا کھا کر جب انھوں نے رخصت ہونے کی اجازت چاہی، تو اُلو نے طوطی کاہاتھ پکڑ لیا ور کہا۔ تم کہاں جا رہی ہو ،طوطی پرشان ہو کر بولی یہ کوئی پوچنے کی بات ہے ،میں اپنے خاوند کے ساتھ واپس جا رہی ہوں۔الو یہ سن کر ہنسا،اور کہا،یہ تم کیا کہ رہی ہو تم تو میری بیوی ہو.اس پہ طوطا طوطی الو پر جھپٹ پڑے اور گرما گرمی شروع ہو گئی۔
دونوں میں جب بحث و تکرار زیادہ بڑھی تو اُلو نے طوطے کے کے سامنے ایک تجویز پیش کرتے ہوئے کہا ”ایسا کرتے ہیں ہم تینوں عدالت چلتے ہیں اور اپنامقدمہ قاضی کے سامنے پیش کرتے ہیں،قاضی جو فیصلہ کرے وہ ہمیں قبول ہوگا“اُلو کی تجویز پر طوطا اور طوطی مان گئے اور تینوں قاضی کی عدالت میں پیش ہوئے ،قاضی نے دلائل کی روشنی میں اُلو کے حق میں فیصلہ دے کر عدالت برخاست کردی،طوطا اس بے انصافی پر روتا ہوا چل دیاتو اُلو نے اسےآواز دی ،"بھائی اکیلئے کہاں جاتے ہواپنی بیوی کو تو ساتھ لیتے جاؤ"طوطے نےحیرانی سے اُلو کی طرف دیکھا اور بولا"اب کیوں میرے زخموں پر نمک چھڑکتےہو، یہ اب میری بیوی کہاں ہے ،عدالت نے تو اسے تمہاری بیوی قرار دے دیا ہے“۔
اُلو نے طوطے کی بات سن نرمی سے بولا، نہیں دوست طوطی میری نہیں تمہاری ہی بیوی ہے.میں تمھیں صرف یہ بتانا چاہتا تھا کہ بستیاں الو ویران نہیں کرتے. بستیاں تب ویران ہوتی ہیں جب ان سے انصاف اٹھ جاتا ہے۔

· درج ذیل سوالات کے مختصر جوابات دیں۔

1) الو نے طوطا اور طوطی کو دعوت کیوں دی؟ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ..۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2) الو اور طوطے میں جھگڑا کیوں ہوا؟ ۔.....۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔ ۔۔۔۔ ۔۔...۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

3) فیصلے کی روشنی میں الو نے طوطے سے کیا کہا؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔ ۔۔۔۔۔۔ ۔ ۔۔۔۔۔۔۔۔ ۔۔۔ ۔۔ ۔۔ ۔۔۔ ۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

4) کہانی کا خلاقی نتیجہ کیا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

5) اس عبارت کا خلاصہ تحریر کریں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔ ۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مداری

کسی ملک میں ایک ظالم بادشاہ حکومت کرتا تھا۔ ساری رعایا اس کے ظلم و ستم سے بہت تنگ تھی۔ ایک دن تنگ آکر رعایا نے بادشاہ کو ملک بدر کر دیا۔ جب نئے بادشاہ کو منتخب کرنے کا وقت آیا تو ہر طرف بحث شروع ہو گئی۔ مختلف لوگوں نے اپنی اپنی آراء پیش کیں۔ آخر فیصلہ یہ ہوا کہ ملک کے سب سے بے ضرر انسان کو بادشاہ بنایا جائے تاکہ عوام پر کوئی ظلم نہ ہو اور وہ ہنسی خوشی زندگی بسر کر سکیں۔ اس کے بعد عوام نے متفقہ طور پر ایک مداری کو اپنا بادشاہ منتخب کر لیا۔

جب ہمسایہ ممالک کو علم ہوا کہ وہاں اب ایک مداری حکومت کر رہا ہے تو وہ بہت خوش ہوئے اور انھوں نے سازباز کر کے حملہ کر دیا۔ محل میں کسی نے آکر مداری کو اطلاع دی کہ دشمن نے حملہ کر دیا ہے۔ مداری کے کان پر جوں تک نہ رینگی اور وہ اپنے تماشے میں مگن رہا۔ آہستہ آہستہ حملے کی خبر پھیل گئی تو لوگ محل کے باہر اکٹھے ہو گئے۔ دربان نے مداری کو بتایا کہ “بادشاہ سلامت، محل کے باہر سب لوگ جمع ہو گئے ہیں اور کاروائی کا مطالبہ کر رہے ہیں”۔ یہ سن کر مداری نے ڈگڈگی پکڑی اور اپنے بندر کو لے کر محل سے باہر آیا۔ اس نے لوگوں کو بتایا کہ بے فکر رہو میں کاروائی کرنے لگا ہوں۔

اور اس کے بعد سب لوگ بندر کا تماشہ دیکھنے میں محو ہو گئے اور انہیں یاد ہی نہ رہا کہ دشمن کی فوجیں ان کے سر پر پہنچ چکی ہیں۔ جب ایک ہرکارے نے آخری بار سب کو خطرے سے آگاہ کیا تو مداری اپنے گدھے پر اپنے سازوسامان سمیت سوار ہو گیا اور یہ کہتے ہوئے وہاں سے چل دیا کہ “جو میں تمھارے لیے کر سکتا تھا کر دیا، اب تم جانو اور تمہارا ملک!”

· درج ذیل سوالات کے جوابات تحریر کریں۔

1) بادشاہ کو کس لیے ملک بدر کر دیا گیا تھا؟۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ ۔۔۔۔

۔۔۔۔۔۔ ۔۔ ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2) عوام نے کس شخص کو اور کیوں بادشاہ بنایا؟۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

3) ہمسایہ ملک نے ان پر حملہ کیوں کیا؟۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

4) مداری نے کیا کیا؟۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

5) اس عبارت کا خلاصہ اپنے الفاظ میں لکھیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکایت

بیان کرتے ہیں کہ ایک شخص حضرت سلیمان علیہ السلام کے پاس آیا اور اس نے عرض کیا کہ"اے پیغمبرِ خدا! میں نے ایک باغ آراستہ دیکھا ہے کہ اس میں بہت سے میوے ہیں اور میں نے دیکھا کہ اس باغ میں ایک بہت بڑا خنزیر بیٹھا ہے اور مجھ سے لوگوں نے کہا کہ یہ باغ اس خنزیر کی ملکیت ہے۔ میں اس بات سے حیران ہوں اور باغ میں بہت سے خنزیروں کو میوے کھاتے ہوئے دیکھااور لوگوں نے کہا کہ یہ تمام خنزیر اس بڑے خنزیر کے حکم سے میوے کھاتے ہیں"۔

حضرت سلیمان علیہ السلام نے فرمایا کہ:"وہ بڑا خنزیر ظالم اور جابر بادشاہ ہےاور دوسرے خنزیر دانش مند حرام خور ہیں، جو ظالم بادشاہ کے مطیع اور تابع فرمان ہیں اور دین کو دنیا کے بدلے بیچتے ہیں"۔

· درج ذیل سوالات کے جوابات لکھیں۔

1) بادشاہ کو ایک نجس(ناپاک) جان ور جیسا کیوں کہا گیا ؟۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2) خواب میں دانش مند حرام خوروں کو خنزیر ،جیسا کیوںدکھایا گیا؟ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

3) اس عبارت سے کیا سبق ملتا ہے؟ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

4) عبارت کی وضاحت کریں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔