اردو/اولیول/میرتقی میر/مظہرفریدی

میرتقی میر(۱۷۲۳ء۔۱۸۱۰ء)

میر۱۷۲۳ءمیں اکبرآباد میں پیداہوئے۔میرکے والدمیرعلی متقی صوفی بزرگ تھے۔ میرکے والدکابچپن ہی میں انتقال ہوگیاتھا۔میرکوخدائے سُخن کہاگیا۔بقول غالب ”کہتے ہیں کہ اگلے زمانے میں کوئی میربھی تھا“۔میرکے خان دانی حالات،اس دورمیں سیاسی ابتری اور معاشرتی فسادات کی وجہ سے طبیعت میں دردوغم نے گھرکرلیا۔خاص کردہلی کی تباہی نے انھیں بہت زیادہ مایوس کردیا تھا ۔ اورمیرغم کی تصویربن گئے تھے۔میراپنے زمانے کے ان مشکل حالات سے گزرے اوریہی حالات ان کی شاعری میں بھی ظاہرہوئے۔میرغم کی تصویربن گئے۔میرکے الم اوریاسیت میں غم کی دھیمی آنچ اورکسک ہے۔

                                                الٹی ہوگئیں سب تدبیریں کچھ نہ دوا نے کام کیا

                                                دیکھااس بیماریٔ دل نے آخرکام تمام کیا

درد منددل رکھتے تھے اس لیے غم کے ساتھ ساتھ صوفیانہ رنگ بھی ملتاہے۔

                                                نا حق ہم مجبوروں پرتہمت ہے مختاری کی

                                                چاہتے ہیں سو آپ کریں ہم کوعبث بدنام کیا

میرکی شاعری میں بے ساختہ پن اوررنج والم کے تال میل سے حددرجہ حسن پیداہوگیاہے۔

                                                کہامیں نے کتناہے گل کاثبات

                                                                کلی نے یہ سن کرتبسم کیا

                                                ٭٭٭٭٭٭٭

                                                آفاق کی منزل سے گیا کون سلامت

                                                اسباب لٹاراہ میں یاں ہرسفری کا

میرنے انتہائی سادہ ،عام فہم اندازمیں وارداتِ سوزوگدازکوبیان کیاہے۔یہ سادگی بے ساختہ اوربے ریاہے۔

                                                شام ہی سے بجھاسارہتاہے

                                                دل ہواہے چراغ مفلس کا

                                                ٭٭٭٭٭٭٭

                                                لے سانس بھی آہستہ کہ نازک ہے بہت کام

                                                آفاق کی اس کارگہِ شیشہ گری کا

اسی سوزوگدازنے موسیقیت کوجنم دیا۔تکرارالفاظ اورصوتی آہنگ سے شعرکے حسن میں اضافہ کیا۔

                کس کا کعبہ ،کون کلیسا،کون حرم ہے،کیااحرام

                                کوچہ کے اس کے باشندوں نے سب کو یہیں سے سلام کیا

میرنے سوزوگداز،دردوالم اور مترنم بحروں کے علاوہ اردو غزل کوایک عظیم روایت دی۔ وارداتِ حسن وعشق اور جذبات واحساسات کابیان میرہی کاحصہ ہے۔

”افسوس تم کومیرسے صحبت نہیں رہی“۔

                                ہم ہوئے تم ہوئے کہ میرہوئے

                                                ان کی زلفوں کے سب اسیرہوئے

اردوزبان وادب کایہ خدائے سخن ۱۸۱۰ءمیں اللہ کورپیاراہوگیا۔

عظمتِ میر

مشکل ترین حالات میں زندگی گزارنے والایہ بڑاشاعراپنے مقام اورمرتبے سے خود بھی واقف تھا۔کسی نے میرسے پوچھامیرصاحب اس دور میں کتنے شاعرموجودہیں تومیرنے جواب دیا”دو“۔ پھرپوچھاگیا،کون سے،جواب ملاایک ’میں‘اوردوسرا’میرزامحمدرفیع سودا‘۔ سوال ہوا،میردردکے بارے میں کیاخیال ہے جواب دیا،چلوڈھائی سمجھ لو۔

                                                سارے عالم پہ ہوں میں چھایاہوا

                                                                مستند   ہے میر  افرما  یا  ہو ا

میرنے چھ دواوین یادگارچھوڑے ہیں۔میرکے بعدآنے والے ہرشاعرنے میرسے اکتسابِ فیض کیاہے۔ہم عصرشعراءبھی میرکی عظمت کوتسلیم کرتے ہیں۔’میرزامحمدرفیع سودا‘کہتے ہیں۔

                                                سوداتواس زمیں میں غزل در غزل ہی لکھ

                                                                ہوناہے تجھ کومیرسے استادکی طرح

اردوزبان وادب کے عظیم شاعرغالب نے کہا۔

                                                ریختہ کے تمھی استادنہیں ہوغالبؔ

                                                کہتے ہیں کہ اگلے زمانے میں کوئی میربھی تھا

اوربقولِ مولاناالطاف حسین حالی۔

                                                حالی سخن میں شیفتہ سے مستفیدہوں

                                                شاگردمیرزاکامقلدہوں میرکا

اس کے علاوہ ہرصاحب طرزشاعرنے ہردورمیں میرکی عظمت کااعتراف کیاہے۔اورآج تک کرتے آرہے ہیں۔